Şərtlər və Qaydalar

Bu Şərtlər və Qaydalar Proveb MMC tərəfindən təqdim edilən QR Gate davamiyyət və giriş-çıxış idarəetmə sistemindən (bundan sonra - «Sistem») istifadənin ümumi qaydalarını müəyyən edir. Qeydiyyatdan keçməklə istifadəçi bu şərtləri tam və qeyd-şərtsiz qəbul etmiş sayılır.

1. Sistemdən istifadə qaydaları

• Sistem şirkətlərin işçi davamiyyətinin (giriş-çıxış) qeydiyyatı, iş vaxtının uçotu və hesabatların hazırlanması üçün nəzərdə tutulub.
• İstifadəçi Sistemdən yalnız qanuni məqsədlərlə və bu şərtlərə uyğun istifadə edir.
• Hesabın giriş məlumatlarının (istifadəçi adı, şifrə, API açarları) qorunması istifadəçinin öz məsuliyyətindədir. Bu məlumatların üçüncü şəxslərə ötürülməsi qadağandır.
• Sistemin işinə maneə yaradan, onu həddindən artıq yükləyən, avtomatlaşdırılmış sorğularla sui-istifadə edən və ya təhlükəsizlik mexanizmlərini yan keçməyə cəhd edən hərəkətlər qadağandır.

2. Daxil edilən məlumatlara görə məsuliyyət

• Qeydiyyatdan keçən şəxs Sistemə daxil etdiyi bütün məlumatların doğruluğuna, aktuallığına və qanuniliyinə görə tam məsuliyyət daşıyır.
• Şirkət məlumatları (rəsmi ad, VÖEN, hüquqi ünvan, əlaqə kanalları) düzgün və rəsmi sənədlərə uyğun daxil edilməlidir. Yanlış məlumat müqavilə, qaimə və ödəniş sənədlərinin etibarsızlığına səbəb ola bilər.
• İşçi məlumatları Sistemə yalnız qanuni əsas olduqda daxil edilir - əmək müqaviləsi, işəgötürənin qanunla müəyyən edilmiş uçot öhdəliyi və ya işçinin razılığı. İşçiləri məlumatlarının emalı barədə məlumatlandırmaq işəgötürənin öhdəliyidir.
• Sistemə üçüncü şəxslərin məlumatlarını qanuni əsas olmadan daxil etmək qadağandır.

3. Emal edilən texniki məlumatlar

Sistemin təyinatı ilə bağlı olaraq aşağıdakı məlumatlar emal edilə bilər:

• davamiyyət qeydləri - giriş/çıxış vaxtı, gecikmə və tez çıxma göstəriciləri;
• lokasiya (koordinat) məlumatları - skan zamanı işçinin təyin olunmuş nöqtədə olub-olmadığının yoxlanılması üçün;
• cihaz və şəbəkə məlumatları - cihaz identifikatoru, IP ünvanı, brauzer/tətbiq məlumatları;
• sistem jurnalları (loglar) - təhlükəsizlik, mübahisələrin araşdırılması və sui-istifadənin qarşısının alınması üçün.

Bu məlumatların emalı qaydaları Şəxsi Məlumatların Emalı Siyasəti və Məxfilik Siyasəti sənədlərində ətraflı izah olunur.

4. Xidmətin təqdim olunma şəkli

• Sistem «mövcud olduğu vəziyyətdə» təqdim edilir. Funksional imkanlar, interfeys və texniki infrastruktur Proveb MMC tərəfindən təkmilləşdirilə, dəyişdirilə və ya yenilənə bilər.
• Sistemin sabit və təhlükəsiz işləməsi üçün texniki baxım, yenilənmə və təhlükəsizlik işləri aparıla bilər; bu zaman xidmətə çıxış müvəqqəti məhdudlaşa bilər. Mümkün hallarda əvvəlcədən məlumat verilir.
• Yenilənmə nəticəsində funksiyaların genişləndirilməsi və ya dəyişdirilməsi, ayrıca razılaşma olmadıqda, əlavə ödəniş tələb etmədən tətbiq oluna bilər.
• Konkret nəticəyə, fasiləsiz işə və ya istifadəçinin gözlədiyi hər hansı kommersiya effektinə zəmanət verilmir.

5. İntellektual mülkiyyət

Sistemin mənbə və obyekt kodu, daxili arxitekturası, alqoritmləri, verilənlər bazası strukturu, interfeys dizaynı (UI/UX), biznes-məntiqi, idarəetmə paneli, adı və loqosu Proveb MMC-in müstəsna əqli mülkiyyətidir. Bu şərtlər istifadəçiyə Sistem üzərində mülkiyyət hüququ vermir - yalnız məhdud, qeyri-eksklüziv və üçüncü şəxslərə ötürülə bilməyən istifadə hüququ verilir.

Kopyalama, tərs proqramlaşdırma, süni intellekt alətləri ilə daxili məntiqin çıxarılması, bənzər və ya rəqib məhsul yaratmaq kimi qadağalar İntellektual Mülkiyyət Hüquqları sənədində ətraflı göstərilib. Həmin sənəd qeydiyyat zamanı ayrıca qəbul edilir və bu Şərtlərin ayrılmaz hissəsidir.

6. Təkliflər və rəylər

İstifadəçinin Sistemlə bağlı bildirdiyi təklif, rəy, irad və ideyalar Proveb MMC tərəfindən Sistemin təkmilləşdirilməsi məqsədilə ödənişsiz və məhdudiyyətsiz istifadə edilə bilər. Belə təkliflərə görə istifadəçidə hər hansı əqli mülkiyyət və ya haqq tələbi yaranmır.

7. Xidmətin dayandırılması və hesabın bloklanması

Proveb MMC aşağıdakı hallarda hesabı bloklamaq, xidməti tam və ya qismən dayandırmaq hüququnu saxlayır:

• bu şərtlərin və ya digər hüquqi sənədlərin pozulması;
• Sistemin qanunsuz məqsədlərlə istifadəsi və ya sui-istifadə əlamətləri;
• ödəniş öhdəliyinin yerinə yetirilməməsi;
• saxta və ya yanlış məlumatların daxil edilməsi;
• digər istifadəçilərin və ya Sistemin təhlükəsizliyinə təhdid yaradan hərəkətlər.

8. Məsuliyyətin məhdudlaşdırılması

• Proveb MMC dolayı zərərlərə - o cümlədən əldən çıxmış mənfəətə, gəlir itkisinə, biznes fəaliyyətinin dayanmasına, məlumat itkisinə və ya işgüzar nüfuzun zədələnməsinə - görə məsuliyyət daşımır.
• Sistemin bu şərtlərə uyğun olmayan, düzgün olmayan və ya təyinatından kənar istifadəsi nəticəsində yaranan zərərə görə məsuliyyət istifadəçinin üzərindədir.
• İnternet bağlantısı, server infrastrukturu, üçüncü tərəf xidmətləri (ödəniş, e-poçt, SMS) və ya fors-major səbəbindən xidmətin müvəqqəti əlçatmaz olmasına görə məsuliyyət daşınmır.
• Proveb MMC-in ümumi məsuliyyəti istənilən halda istifadəçinin faktiki ödədiyi abunəlik haqqının məbləğini aşmır.

Bu məhdudiyyət qəsdən vurulmuş zərərə və qanunvericiliklə məhdudlaşdırılması qadağan olunan hallara şamil edilmir.

9. Pozuntuya görə məsuliyyət

Müəllif hüquqlarının pozulması, kommersiya sirrinin yayılması, qeyri-qanuni istifadə və zərər vurma hallarında məsuliyyət Azərbaycan Respublikasının qanunvericiliyinə əsasən müəyyən edilir. Proveb MMC pozuntu nəticəsində dəyən real zərərin və əldən çıxmış faydanın ödənilməsini tələb etmək, habelə qanunla nəzərdə tutulmuş digər hüquqi tədbirləri görmək hüququna malikdir.

Sistemə giriş qeydləri, IP ünvanları, əməliyyat jurnalları və verilənlər bazası logları pozuntunun araşdırılması üçün saxlanılır və qanunvericiliyə uyğun olaraq sübut kimi təqdim edilə bilər.

10. Fors-major

Tərəflərin iradəsindən asılı olmayan, əvvəlcədən proqnozlaşdırılması mümkün olmayan fövqəladə hallar - təbii fəlakət, yanğın, müharibə, terror aktı, kütləvi iğtişaş, epidemiya, dövlət orqanlarının qərarları, enerji və rabitə sistemlərində genişmiqyaslı fasilələr, habelə internet və hostinq infrastrukturunda ciddi texniki nasazlıqlar - fors-major sayılır. Belə hallarda öhdəliklərin yerinə yetirilməməsinə görə məsuliyyət yaranmır; hal aradan qalxdıqdan sonra öhdəliklərin icrası ən qısa müddətdə bərpa edilir.

11. Mübahisələrin həlli

Mübahisələr ilk növbədə danışıqlar və yazılı iddia qaydasında həll edilir; iddiaya cavab müddəti 7 (yeddi) təqvim günüdür. Razılıq əldə edilmədikdə mübahisə Azərbaycan Respublikasının qüvvədə olan qanunvericiliyinə uyğun olaraq səlahiyyətli məhkəmədə baxılır.

12. Şərtlərin dəyişdirilməsi

Bu şərtlər vaxtaşırı yenilənə bilər. Yenilənmiş mətn bu səhifədə dərc edildiyi andan qüvvəyə minir. Sistemdən istifadəni davam etdirmək yenilənmiş şərtlərin qəbulu deməkdir. Qəbul anındakı redaksiya sistemdə qeydə alınır.

13. Yekun müddəalar

• Bu şərtlər Azərbaycan dilində tərtib edilib və digər dillərdəki tərcümələrlə ziddiyyət yaranarsa Azərbaycan dilindəki mətn əsas götürülür.
• Hər hansı müddəanın etibarsız sayılması qalan müddəaların etibarlılığına təsir etmir.
• Bu şərtlər digər hüquqi sənədlərlə (Məxfilik, Şəxsi məlumatlar, İntellektual mülkiyyət) birlikdə tətbiq olunur. İmzalanmış ayrıca müqavilə mövcud olduqda, kommersiya şərtləri üzrə həmin müqavilə üstünlük təşkil edir.

14. Əlaqə

Suallar üçün: [email protected]